Kryetari i AKR-së, Behgjet Pacolli ka shfrytëzuar profilin e tij në Facebook për të treguar “për herë të parë” një histori që lidhet me kompaninë “Google”.

Me rastin e 17 vjetorit të kësaj kompanie ka treguar se si themeluesit e saj e kishin lutur për të investuar.

Ja postimi i plotë i tij në Facebook:

Sot motor kërkimi i njohur amerikan Google mbush plotë 17 vjet. Unë si ju dhe miliona njerëz të tjerë jam një përdorues i përditshme i kësaj zbulimi teknologjikë. Por dua të ndaj me ju një histori për herë të parë këtu lidhur me kompaninë Google. Në vitin 1997 themeluesit e kësaj kompanie erdhen në zyren time në Lugano, Zvicër duke më lutur të investoj në idenë e tyre, por pasi nuk kisha aq shumë njohuri për këtë fushë veprimi (në atë kohë e panjohur për mua) ata i refuzova. Sidoqoft, unë shpresoj shumë që tani të rinjet tanë shqiptar do të shpikin diçka të tillë, dhe unë gjithsesi do ti përkrahi.(sic) /Telegrafi/