Ministri në detyrë i Punëve të Jashtme, Behgjet Pacolli, para mediave, ka thënë se Beogradi ende po vazhdon ti mohojë krimet serbe në Kosovë, shkruan IndeksOnline.
Ai tha se njejtë po vepron edhe presidenti serb, Aleksandër Vuqiq, duke shtuar se kriminelët serb janë njerëz të partisë së Vuqiqit
“Beogradi vazhdon të mohojë krimet e luftës që i bëri në Kosovë. Vuqiqi po i mbron kriminelët e luftës, shumica prej tyre janë njerëz të partisë së tij.Krimet e luftës nuk parashkruhen, vetëm ky rrugeëtim qon drejtë pajtimit, ajo qon kur ne i sjellim të gjithë kriminelët para drejtësisë”, tha Pacolli.
Zëvendëskryeministri dhe ministri në detyrë i Punëve të Jashtme, Behgjet Pacolli, ditë më parë ka njoftuar se Kosova nuk do të marrë pjesë në ceremoninë e Nobelit në Stokholm këtë vit, duke konfirmuar kështu edhe mospjesëmarrjen e disa shteteve të tjera. /IndeksOnline/