Kryetari i Kuvendit të Kosovës Kadri Veseli i ka ftuar deputetët e opozitës që të mos e bllokojnë Kuvendin, por të ballafaqohen me argumente.
Sipas tij, nëse mbyllet debati në Kuvend nuk do të ketë mundësi për shpalosje të argumenteve.
“Nëse nuk i shprehin pakënaqësitë e tyre në Kuvend, unë nuk e di ku do t’i shprehin këto pakënaqësi”, tha Veseli për RTK’në.
Debati sipas tij është zgjidhja e vetme për zgjidhjen e mospajtimeve aktuale në mes të opozitës dhe pozitës.
Veseli tha se edhe ai vetë është i interesuar të dijë më shumë për disa çështje të marrëveshjeve të fundit në Bruksel.
Kryeparlamentari Veseli dha edhe disa detaje se si është ballafaquar dje me opozitën.
