Ish-pjesëtarët e MUP-it serb në Kosovë kanë protestuar duke kërkuar zgjidhjen e statusit të tyre juridik në bazë të ligjeve të Serbisë.

Pas protestës që e zhvilluan para Zyrës serbe për Kosovën në veri të Mitroivcës ata paralajmëruan bllokimin njëorësh të vendkalimit kufitar në Jarinje.

Nëse nuk u zgjidhet statusi, ata kanë thënë se do ta presin me protesta edhe kryeministrin e Serbisë, Aleksandër Vuçiq gjatë vizitës së tij në Kosovë në ditët e ardhshme, raportojnë mediat serbe, transmeton Klan Kosova.