Deputeti i Kuvendit të Kosovës, Armend Zemaj të enjten në Kuvendin e Kosovës tha se fenomeni i fajdeve po bëhet mjaft shqetësues në Kosovë dhe se ky problem ende nuk ka pësuar goditje nga policia e prokuroria.
Ai tha se fenomeni i fajdeve po ndikon edhe në zhvillimin e kriminalitetit në vend, raporton Telegrafi.
Deputeti Zemaj tha se këta persona që merren me fajde po i zhvatin qytetarët dhe bizneset.
Ai e ftoi policinë që të kenë operacion në nivel vendi në mënyrë që të godasë në mënyrë ligjore këtë fenomen. /Telegrafi/
