Tre helikopterë të KFOR-it janë duke fluturuar që nga ora 16.00, për të ndihmuar zjarrfikësit lokalë për të shuar një zjarr në komunën e Dragashit.
Komandanti i KFOR, gjeneralmajori Guglielmo Luigi Miglietta, autorizoi ndërhyrjen e dy helikopterëve të kontingjentit amerikan dhe një të atij zviceran. Kërkesa është përcjellë nga EULEX-i kur zjarri, i shtyrë nga era, afrohej drejt fshatit Rapçë e Epërme.
Helikopterët e KFOR-it gjithashtu kanë ndërhyrë më datën 30 gusht për një tjetër rast zjarri në fshatin Sredskë në afërsi të Prizrenit. /Telegrafi/
