Kryetari i Gjilanit Lutfi Haziri, u ka bërë thirrje shqiptarve që të tregohen zemërgjerë me refugjatët sirian.

Sipas Hazirit, kosovarët duhet ta kuptojnë këtë tragjedi të këtyre qytetarëve nga Lindja e Mesme, pasi edhe vetë ishim refugjatë një kohë.

Përmes një shkrimi në facebook, i pari i Gjilanit, ka kërkuar strehim të pëkoshëm për refugjatët derisa BE të zgjedhet çeshtja e tyre nga BE, pasi sipas ti kështu do deshmohen vlerat tona si shqiptarë dhe ish-refushatë.

“Të tregohemi zemërgjerë dhe vend pritës për refugjatët të cilët po rrihen me ushtarë e policë. Populli i Kosovës ka qenë refugjatë gjatë luftës dhe duhet ta kuptoj këtë tragjedi të këtyre qytetarëve nga Lindja e Mesme që po kërkon udhë për shpresë e jetë më të mirë. Strehimi i përkohshëm derisa të zgjidhet çështja e tyre nga BE, do të dëshmonte vlerat tona si shqiptarë dhe ish-refugjatë!” ka shkruar Haziri ./Infodirekt.tv/