Gati 77 për qind e përdoruesve mobil në Japoni përdorin një telefon të mençur mobil si pajisjen e tyre primare, një rritje deri në 17.4 pikë përqindje nga një vit më parë, thuhet sipas një sondazhi vjetor të realizuar nga Shoqata e Komunikimit dhe Rrjeteve të Informacionit të Japonisë.
Në mesin e njerëzve nën 30 vjeç, pothuajse 100 për qind e posedojnë një telefon të mençur mobil.
Përdorimi i telefonave të mençur mobil është në rritje në të gjitha grupmoshat, me rritjen më të madhe tek gratë në të dyzetat e tyre (+ 23%) dhe gratë në të pesëdhjetë (+ 16%).
Sondazhi gjeti gjithashtu se përdoruesit mobil janë gjithnjë e më të gatshëm për të blerë një telefon të ri, me 85.5 për qind e të anketuarve që thonë se ata e kanë në plan për të blerë një zëvendësim të telefonit të tyre ekzistues. Kjo është përqindja më e lartë që nga viti 2003.
Dëshira për të blerë një telefon të ri ishte veçanërisht e fortë në mesin e përdoruesve të telefonave të thjeshtë, ku 93.2 për qind e tyre thanë se ata e kanë në plan të kalojnë në një telefon të mençur mobil.
Për më tepër, jeta mesatare e telefonave të tanishëm të të anketuarve ishte më e shkurtër se pesë vjet, apo 28.0 muaj për telefonat e mençur mobil dhe 46.1 muaj për telefonat e thjeshtë.
Faktorët kryesor për blerjen e një telefoni të ri ishin jetëgjatësia e baterisë, prodhuesi / marka, kostoja e pagesës mujore, interneti me shpejtësi të lartë, operatori mobil si dhe çmimi i blerjes së telefonit të mençur mobil. (Telegrafi)
