Në këto stërvitje po marrin pjesë rreth 5,000 ushtarë nga 11 vendet e NATO-s, që do të fluturojnë mbi Gjermani, Bullgari dhe Rumani. Ato kanë nisur nga 15 gushti dhe do të vazhdojnë deri më 13 shtator.

Në njoftimin e 18 gushtit të ushtrisë amerikane, thuhej se këto stërvitje kanë për qëllim demonstrimin e “gatishmërisë së lartë” për të mbajtur “një siguri të lartë në Evropë”.

Por Vladimir Komoyedov, kreu i Komitetit të Mbrojtjes në Dumën ruse, ka thënë se përgjigja e Rusisë ndaj këtyre ushtrimeve, është se do të mbajë forcat e saj “në gatishmëri”.

Konstantin Kosachyov, kreu i Komitetit për Çështje Ndërkombëtare në Këshillin Federal, ka thënë se stërvitjet janë nxitje për përshkallëzim të luftimeve në lindje të Ukrainës.

“Këto stërvitje, të kryera nga NATO-s janë të barasvlershme me kryerjen e një operacioni për të mbuluar apo mbështetur një tjetër aventurë të Kievit”.

Ai tha se këto stërvitje, më shumë e minojnë sigurinë në Evropë se sa e rrisin atë./rel

– See more at: http://lajmi.net/rusia-i-quan-kercenim-stervitjet-e-nato-s/#sthash.CaKw3Nl5.dpuf