Zëvendëskryeministri i Kosovës, Hashim Thaçi, njëherësh ministër i Jashtëm i Kosovës, po i gëzohet përmes Facebook sukseseve të sportistëve kosovarë në gara ndërkombëtare.
Ai i është gëzuar edhe triumfit të notares Rita Zeqiri në garat kualifikuese të 50 metrave në botërorin e notit në Kazan të Rusisë.
“Jemi shteti më i ri në Evropë, por me sportistë fantastikë. Edhe notarja e re Rita Zeqiri bëri sensacion dhe fitoi garën e 50 metrave në botërorin e notit në Kazan të Rusisë, duke thyer njëherësh edhe rekordin e Kosovës të vendosur nga vetë ajo. Një triumf i jashtëzakonshëm i Ritës”, ka shkruar Thaçi.
