Për t’i bindur institucionet e Kosovë se themelimi i Gjykatës Speciale është në favor të shtetit para disa ditësh në Kosovë qëndroi edhe zëvendës-sekretarja e Departamentit Amerikan të Shtetit, Victoria Nuland.
Ajo, pos liderëve institucionalë, takoi edhe kreun e AAK-së Ramush Haradinaj. Por, a ka ndryshuar qëndrimi i AAK-së lidhur me këtë çështje.
“Qëndrimi ynë mbetet i qartë, është publik dhe mbesim në këtë qëndrim”, tha Haradinaj.
Ai tha se askush nuk u ka kërkuar ndryshimin e qëndrimit.
“Nuk na ka kërku askush me ndryshu qëndrim. Duhet me qenë të sinqertë, ne kemi bisedu në ndërsjellje me shpjegu për të gjitha ato dhe bashkësia ndërkombëtare dhe SHBA e mirëpresin themelimin e Gjykatës. Ne kemi një qëndrim dhe këto janë rrethanat, nuk ndryshojmë”, tha Haradinaj për RTK-në.
