Kryetari Komunës së Lipjanit, Imri Ahmeti i shoqëruar me bashkëpunëtorët e tijë gjatë ditës së sotme ka përciellur nga afër fillimin e punimeve për ndërtimin e stadiumit të ri në Magurë, njofton Komuna.
Në këtë rast Kryetari Ahmeti ka uruar banorët e Magurës për stadiumin duke thënë se me realizimin e këtij projekti sportdashësit e këtij rajoni do të kenë se ku ti zhvillojnë aktivitet e tyre sportive.

I pari i Lipjanit Imri Ahmeti po ashtu ka theksuar se Komuna e Lipjanit vazhdon edhe më tutje të përkushtohet në krijimin e hapësirave të ndryshme sportive në çdo lokalitet të Komunës në mënyrë që të rinjtë lipjanas të kenë ku të kalojnë kohen e lirë.