Organizuar nga Drejtoria e Shëndetësisë dhe Përkujdesjes Sociale në Lipjan në bashkëpunim me Organizatën Joqeveritare POLIS dhe financuar nga projekti i AQH-së ( Kujdesi Shëndetësorë i Qasshëm dhe Cilësor) për herë të parë në Komunën e Lipjanit është zhvilluar një tryezë diskutimi ku janë janë ballafaquar ofruesit e shërbimeve shëndetësore dhe marrësit e shërbimeve në këtë rast qytetarët.
Gjatë këtij takimi janë prezantuar gjetjet dhe indikatorët e përbashkët të vlerësimit rreth shërbimeve shëndetësore të cilat ofrohen në Qendrën Kryesore të Mjekësisë Familjare dhe në QMF dhe AMF të Komunës së Lipjanit, shkruan Komuna e Lipjanit.
Në këtë rast drejtoresha e Shëndetësisë dhe Përkujdesjes Sociale Vlora Limani Hajnuni, falënderoi projektin e AQH-së për mbështetje të vazhdueshme për shëndetësinë e Lipjanit si dhe organizatën POLIS për aktivitete të tilla të cilat I japin mundësinë e komunikimit reciprok në mes qytetarëve dhe përsonelit shëndetësor, thuhet tutje.
Në fund të këtij takimi qytetarët e pranishëm, në përgjithësi kanë vlerësuar pozitivisht shërbimet shëndetësore sidomos indikatorët të cilët janë kompetencë e komunës.