Youth Center Lipjan (LYC) mbajti ligjeratë me nxënësit e dy shkollave të mesme në komunën e Lipjanit: Shkollën e Mesme Profesionale “Adem Gllavica” dhe Gjimnazin “Ulpiana” për të diskutuar rreth radikalizmit dhe ekstremizmit të dhunshëm që shpie në terrorizëm.

Ligjërata kishte për qëllim bashkëbisedimin me nxënës rreth ndërgjegjësimit ndaj rreziqeve që mund të vijn nga qasjet dhe bindjet ekstremiste dhe se si vetë të rinjtë të bëhen pjesë aktive e parandalimit të përhapjes dhe përfshirjes në grupe që prapagandojnë ekstremizmin.

Folës në ligjëratë ishin përfaqësues nga Policia e Kosovës, Këshilli i Bashkësisë Islame në Lipjan, Koordinatori i Këshillit Komunal për Siguri në Bashkësi – KKSB dhe Ekspertë të fushës.

Ky aktivitet realizohet nga Youth Center Lipjan-LYC, përmes Programit Angazhimi për Barazi-E4E, i financuar nga Agjencia e Shteteve të Bashkuara për Zhvillim Ndërkombëtar-USAID dhe zbatuar nga Qendra e Trajnimeve dhe Burimeve për Avokim-ATRC.