Kur Apple Music të lansohet më vonë gjatë këtij muaji, shërbimi do të shfaqet me një radio stacion të ri 24 orësh të quajtur Beats One Radio.

Apple Music do të fillojë më 30 qershor dhe Beats One Radio do të bëjë transmetimin e parë më 30 qershor në ora 09:00.

Lajmi i parë për nisjen e Beats One Radio u bë i ditur gjatë kohës kur u zbulua edhe iOS 9, dhe përdoruesit të cilët e kanë instaluar versionin e saj beta do të mund të dëgjojnë radion e kompanisë Apple.

Kur Apple Music të lansohet edhe zyrtarisht do të mundësojë shërbim pa pagesë për tre muajtë e parë, e më pas përdoruesit do të duhet të paguajnë 9,99 dollarë në muaj për një abonim të vetëm. (Telegrafi)