Kryetari Komunës së Lipjanit, Imri Ahmeti sot ka vënë gurë themelin e sallës sportive në fshatin Sllovi.
Kryetari Ahmeti ka uruar banorët e fshatit Sllovi duke thënë se tashmë po krijohen të gjitha kushtet që nxënësit të kenë ku ti zhvillojnë aktivitetet sportive.
Kujtojmë se ky është edhe një projekt tjetër në vazhdën e projekteve të tjera që janë në proces e sipër në fshatin Sllvoi, shkruan Komuna e Lipjanit
Ky projekt është investim nga Ministria e Arsimit e Shkencës dhe e Teknologjisë, për të cilën Kryetari Ahmeti ka falënderuar Ministrin për mbështetjen që ka dhënë këtij projekti me vlerë 237.764.83 euro.
Po ashtu, banorët e fshatit Sllovi u shprehën të lumtur, dhe falënderuan Kryetarin Ahmeti për gatishmërinë dhe punën që po bënë në të mirë të tyre.
Një ndër prioritetet e veçanta të Kryetarit Imri Ahmeti është edhe ndërtimi i hapësirave rekreative sportive në vendbanimet e ndryshme të komunës, hapësira këto ku të rinjtë lipjanas kanë mundësinë e zhvillimit të aktiviteteve të tyre.
