Sot me datë 03.07.2018 në Sallën e Kuvendit Komunal në Lipjan, OJQ POLIS në bashkëpunim me Komunën e Lipjanit ka mbajtur takim me qytetarë për Draft Strategjinë dhe Planin e Veprimit për Komunën Mike për Fëmijë në Komunën e Lipjanit.
Ky aktivitet u realizua në kuadër të projektit “Përmirësimi i masave për mbrojtjen e fëmijëve dhe ndërgjegjësimi i të drejtave të fëmijëve në Komunën e Lipjanit. Pjesë e këtij projekti është hartimi i Strategjisë dhe Planit të Veprimit në
Komunën e Lipjanit. Meqë Strategjia është në diskutim publik, ky aktivitet realizohet si pjesë e diskutimit të publikut.
Ky projekt është shpërblyer në kuadër të projektit “Protection of Child Rights in Kosovo” financuar nga Zyra e Bashkimit Evropian dhe mbështetur nga Koalicioni i OJQ-ve për Mbrojtjen e Fëmijëve – KOMF.
