Deputetët e Aleancës për Ardhmërinë e Kosovës (AAK) nesër pritet ta japin votën kundër themelimit të Gjykatës Speciale, ndonëse një qëndrim krejt të kundërt kanë mbajtur në legjislaturën e kaluar.

Derisa disa deputetë të këtij subjekti politik ndryshimin e qasjes rreth Speciales e arsyetojnë, siç thonë ata me “gabime teknike”, analistët politikë vlerësojnë se ky ndryshim i konceptit, sidomos i AAK-së rreth Gjykatës Speciale, nga mandati i kaluar ka të bëjë pikërisht me vazhdimin e qëndrimit të saj në opozitë, shkruan ‘Zëri’.

Në legjislaturën e katërt të Kosovës, pro Gjykatës Speciale kishin votuar këta deputetë të AAK-së: Donika Kadaj-Bujupi, Ardian Gjini, Burim Ramadani, Teuta Haxhiu, Kymete Bajraktari, Blerim Shala, Bali Muharremaj dhe Xhevdet Neziraj, përderisa kundër saj kishin votuar vetëm Daut Haradinaj, Ahmet Isufi dhe Time Kadriaj. /Zëri/