Një aksident ka ndodhur këtë të premte në zonën e njohur si “Kthesa e Kamzës” në Tiranë, ku dy autobusë të së njëjtës linjë janë përplasur mes tyre.
Autobusët e linjës Kamëz- Qendër janë përplasur për shkaqe ende të paidentifikuara nga policia, e cila ka shkuar në vendngjarje dhe po heton.
Mësohet se 6 persona janë lënduar për shkak të incidentit
Njoftimi i policisë:
Më datë 22.06.2018, rreth orës 08:10, tek kthesa e Kamzës janë përplasur dy autobuza të linjës “Tiranë – Kamëz” me targë AA628 GC, me drejtues shtetasin K. A., 43 vjeç dhe me targë AA 958 LN, me drejtues shtetasin S. R., 40 vjeç.
Si pasojë e përplasjes janë dëmtuar lehtë dhe janë dërguar për ndihmë mjekësore në SQU shtetasit, A. P., 22 vjeçe, S. R., 43 vjeç, V. H., 23 vjeç, S. K., 53 vjeç, K. G., 19 vjeçe dhe E. L., 22 vjeçe ( të gjithë pasagjer në dy autobusat e linjës “Kamëz-Tiranë ). Shërbimet e policisë dhe drejtuesit e autobusave ndodhen në vendngjarje, po kryhen veprimet e mëtejshme hetimore për zbardhjen e shkakut dhe rrethanave të përplasjes./Gazeta Express
Fotot u postuan nga JOQ
