Kufiri mes Serbisë dhe Maqedonisë tek Presheva është mbyllur sonte. Kështu ka mësuar agjencia serbe e lajmeve, “FoNet” nga kjo pikë kufitare.

Si pasojë e mundësisë reale të ardhjes së refugjatëve nga Maqedonia përmes Preshevës kanë bërë që nga Beogradi të nisen përfaqësues të Ministrisë së Punës si dhe Komesari për refugjatë.

Siç mëson FoNet, vetëm gjatë orëve të pasdites, nga Maqedonia, përmes Kumanovës, në Serbi kanë hyrë rreth tridhjetë qytetarë të cilët, të pyetur nga zyrtarët kufitarë, kanë thënë se po ikin nga frika e përleshjeve tjera në këtë qytet.

Kjo agjenci lajmesh ka mësuar gjithashtu se është arritur marrëveshje për vendosjen e refugjatëve maqedonas e serbë, të cilët vijnë nga Kumanova, në Vranjë, qytet i cili është edhe i vëllazëruar me Kumanovën.