Shumica e anëtarëve të grupit të armatosur që sot u përlesh me policinë maqedonase në Kumanovë, mësohet të jenë shqiptarë nga Kosova.

Para pak çastesh 22 pjesëtarë të këtij grupi janë dorëzuar, ndërsa me 12 të tjerë është duke u negociuar dorëzim, pasi deri tani kanë refuzuar ofertën e policisë.

Policia maqedonase sot në orët e mëngjesit ndërmori një aksion në Kumanovë, ku hasi në rezistencën e një grupi të armatosur.

Përleshja e armatosur vazhdoi deri në orët e vona të pasdites së sotme, ku u raportua për të vrarë dhe të plagosur.

Autoritetet maqedonase kanë refuzuar të flasin për bilancin e viktimave. Ndërsa për grupin e armatosur kanë thënë se në Maqedoni ka hyrë nga një vend fqinj, duke mos thënë sakët se për cilin vend bëhet fjalë. /Lajmi.net/