Kryeministri Zoran Zaev në deklaratë për media tha se emri “Republika Ilindenska Makedonija” është propozimi për të cilin mund të ketë kompromis me Greqinë. Por, Artan Grubi nga BDI tregon emrin e ri të Maqedonisë, i përshtatur në gjuhën shqipe, shkruan Gazeta Express.
“Republika Ilinditase e Maqedonisë” – do të jetë emri i ri i Maqedonisë, i përshtatur në gjuhën shqipe. Kështu ka treguar përmes një statusi Artan Grubi, deputet nga BDI’ja.
Ndërsa, kryetari i VMRO-DPMNE-së, Hristian Mickoski, ka konfirmuar se ata mbeten në qëndrimin e tyre se nuk pranojnë ndryshim të Kushtetutës.
Edhe ish kreu i Parlamentit, Stojan Andov, ka thënë Maqedonia e Ilindenit është një propozim që meriton vëmendje.
Reagime pozitive ka pasur edhe nga fqinjët. Ministri bullgar i Mbrojtjes, Krasimir Karakaçanov ka deklaruar se me këtë emërtim të dyja vendet i kanë përafruar qëndrimet e tyre.
Maqedonia e Ilindenit apo Ilinditase, emërtimi i ri që pritet të mbyllë kontestin disavjeçar me Greqinë, është shoqëruar me heshtje nga Shkupi zyrtar, por reagime të ndryshme nga brenda dhe jashtë vendit./Express/
