Projekti i grupit të studentëve nga Kosova “NatEv Explorer” ka fituat çmimin “People’s Choice Award” në kuadër të garës “NASA Space Apps Challenge”.

Projekti i tyre ka marr 68903 vota, ndërsa konkurrenti nga Universiteti i Garbosit të Bullgarisë, 54321 vota.

Për ta fituar këtë çmim ishin 15 projekte nga vendet e ndryshme të botës, të cilat gjatë votimit online morrën gjithsej 156.007 vota.

Duke parë konkurrencën e ngushtë me një grup tjetër studentësh konkurrent nga Universiteti i Garbosit të Bullgarisë, që po zhvillohet në votimin online, ishte kryeministri i Kosovës, Isa Mustafa që përmes Facebook-ut, kërkoi nga përcjellësit e profilit të tij në këtë rrjetë social, të mobilizohen për të votuar të rinjtë e projektit NatEv Explorer.

Pak orë më pas, të njëjtën kërkesë e bëri edhe zëvendëskryeministri Hashim Thaçi, i cili u pasua nga politikanët tjerë të pozitës dhe opozitës si dhe nga figura të sferës së publicistikës, artit e më gjerë.

Kjo fushatë theu edhe kufijtë shtetërorë duke mobilizuar edhe politikanë dhe fytyra tjera publike në pjesë tjera të banuara me shqiptar.

Është kryeministri i Shqipërisë, Edi Rama, ai që i dha edhe një shtytje këtij votimi “online”, ndërsa nga Maqedonia të njëjtën thirrje e bëri publicisti Kim Mehmeti.

Mbështetje të madhe për garuesit kosovarë përmes rrjeteve sociale kanë dhënë edhe shumë qytetarë.

Projekti “NatEv Explorer”, është një platformë e bazuar në ‘ëeb’, ku sinkronizohen të dhënat në kohë reale të satelitëve të NASA dhe bën klasifikimin e dukurive gjeologjike duke përdorur inteligjencë artificiale.

NatEv Explorer zgjidh sfidën e ashtuquajtur “Volcanoes, Icebergs and Cats from Space”.Kjo sfidë ka të bëjë me zbulimin e dukurive natyrore nga hapësira siç janë: erupsionet vullkanike, vërshimet, tornadot, shkrirjet e akullnajave, zjarret në male/pyje, aurorat, etj.