Kryetari Ameti uron mësimdhënësit për nder të 7 marsit
6 mars 2015- Kryetari i komunës së Lipjanit, Imri Ahmeti, ka uruar mësimdhënësit për nder të 7 marsit ditës së mësuesit.
“ 7 marsi dita e mësuesit shënohet si ngjarje me rëndësi të veçantë kulturore në gjitha trojet tona shqiptare. Andaj, shfrytëzoj rastin që t’ju uroj të gjithë atyre që në çfarëdo mënyre janë të lidhur me procesin edukativo-arsimor.
Në këtë ditë të zgjimit, kujtojmë sakrificat nëpër të cilat kanë kaluar mësuesit tonë, shkollat tona, përpjekjet për ta ruajtur gjuhën dhe për ta mësuar atë.
Urime 7 marsi gjithë juve mësimdhënës, uroj që edhe në të ardhmen të mbeteni krenaria jonë”, thuhet në urimin e kryetarit Ahmeti.
