Kryetari i Kuvendit të Kosovës, Kadri Veseli ka deklaruar edhe një herë se sa i përket vrasjeve pas luftës të gjithë duhet t’i drejtohen organeve të drejtësisë, pasi që vetëm atëherë do të ketë paqe.

Kurse, sa i përket Nazim Bllacës, ai ka thënë se Kosova shumë shpejt do të dijë kush ka qenë ai dhe bashkëpunëtorët e tij.
Në deklarimet jashtë rendit të ditës, deputetja e LDK-së, Dorentin Maloku iu ka drejtuar kryeparlamentarit Veseli se mos të bëhet kinse ka keqardhje për familjet e vrara pas luftës, pasi që ai dhe SHIK-u, duhet të jap llogari për to.

Kurse, kryeparlamentari Veseli iu është përgjigjur se të gjithë ato familje që duan të kenë paqe dhe qetësi të shkojnë në organet e drejtësisë dhe mos të keqpërdoret foltorja e Kuvendit.

Ai ka shtuar se në Kosovë gjatë luftës kanë vra serbët, kohë kjo kur është vrarë edhe babai i deputetes Maloku.

Veseli theksoi se si për Bllacën ashtu edhe për të gjitha rastet tjera le të flet Gjykata Speciale që shumë shpejt do të ketë Kosova dhe për të cilën ai do të votojë i pari.