Qendra e Lëvizjes Vetëvendosje në Shtime shpreh brengën për ikjet e mëdha që po ndodhin çdo natë Shtime.

“Nuk kemi parë asnjë reagim ose nismë për ndalimin e këtyre ikjeve, qoftë nga niveli komunal apo qendror, prandaj kërkojmë nga Komuna e Shtimes që në bashkëpunim me pushtetin qendror te marrin iniciativa ose plane, qoftë edhe afatshkurtra për parandalimin e migrimit kaq te madh”, thuhet në një reagim të VV-së. “Ne e kuptojmë që ky fenomen po ndodh në gjithë Kosovën dhe për këtë duhet te reagojë Qeveria, por edhe Komuna me ndihmë të nivelit qendror duhet të ndërmarrë masa qe qytetarëve te saj t’ua përmirësojë mirëqenien sociale. Përndryshe, këta qytetare të mllefosur do të shesin prona dhe gjithçka që kane vetëm që të ikim në kërkim të jetës që ata kanë ëndërruar. Nëse nuk ju ofron zgjidhje konkrete, qytetarët nuk do t’i ndalë asgjë tjetër”. /Telegrafi/