Pas debutimit zyrtar në muajin tetor, Oppo R5 ka arritur në tregun indian dhe mund të blihet për një çmim që arrin në 470 dollarë.
Nëse nuk ju kujtohet, Oppo R5 dallohet për hollësinë e jashtëzakonshme, sepse telefoni është i hollë vetëm 4.85mm, dhe garon me modelet tjera poashtu të holla të telefonave sikurse Vivo X5 Max dhe Gionee’s Elife S5.1.
Karakteristikat e Oppo R5 përfshijnë ekranin me 5.2-inç në full-HD, procesorin 64-bit octa-core Qualcomm Snapdragon 615 SoC (quad-core 1.5 GHz Cortex-A53 dhe quad-core 1.0 GHz Cortex-A53 CPU), Adreno 405 GPU, 2 GB RAM, 16 GB memorie të brendshme, kamerën kryesore me 13 MP, atë të përparmen me 5 MP, lidhjet për 4G, Wi-Fi 802.11 a/b/g/n, Bluetooth 4.0, microUSB 2.0 dhe baterinë me 2,000 mAh. Ndërfaqja e telefonit është ajo e Color OS 2.0 që është ndërtuar mbi Android 4.4.4 KitKat. (Telegrafi)
