Një fermer i cili ka mbytur 79 derra të vogël duke kërcyer mbi ta me bark, është dënuar me 15 muaj burgim së bashku me kolegun e tij i cili e filmoi këtë ngjarje të tmerrshme.

Gjykata në Spanjë ka konstatuar se veprimet e këtij burri “ishin të papranueshme”, dhe si rezultat i kësaj dyshes i është ndaluar të kryejnë çfarëdo veprimtarie që ka të bëjë me kafshë në një afat kohor prej katër viteve, transmeton Telegrafi.

Ata gjithashtu janë urdhëruar nga gjykata të paguajnë dëmshpërblim në shumë prej 4.470 euro, 60 euro për secilin derr të vogël që ishin pronë e një kompanie ku punonte ky fermer.

Videoja e burrit duke kërcyer me bark mbi derrat e vogël në një fermë në Huercal-Overa në Almeria, kishte filluar të qarkullojë në Whatsapp dhe rrjetet sociale, ku miku i tij që filmoi këtë moment me telefon e shpërndau në internet. /Telegrafi/