Prodhimi i Apple Watch fillon në janar
Publikuar: 15:58 / 11.12.2014
Apple pati thënë se ora e saj e mençur Apple Watch do të dal në fillim të 2015, përkatësisht në muajt e parë të vitit të ardhshëm, dhe më pas thuhej se kjo gjë pritet të ndodhë deri në mars, ose pas datës 20 mars e më vonë.
Mirëpo, tani sipas një raporti të ri thuhet se prodhimi i Apple Watch do të fillojë në janar të 2015, që i bie se raportet për lansimin zyrtar gjatë muajit mars mund të jenë të sakta.
Sipas këtij publikimi thuhet se Apple i ka zgjidhur disa nga problemet me prodhimin e orës, përkatësisht ekranin dhe procesorin, dhe se tani faza e para e prodhimit do të fillojë në janar.
Ora e mençur e Apple mund të përfundojë si njëra ndër produktet më të famshme të kompanisë deri më sot, edhe pse çmimi fillestar për të është 349 dollarë. (Telegrafi)