25 nëntor 2014- Kryetari i Komunës së Lipjanit, Imri Ahmeti, ka pritur sot në takim, Majlinda Jupollin dhe Arton Loxhën, koordinatorë nga Helvetas Swiss Intercooperation- Kosova ( HSIK), projekt “ Programi për Decentralizim dhe Përkrahje të Komunave” ( DEMOS).

Në këtë rast, janë diskutuar projektet e propozuara të cilat do të realizohen gjatë vitit 2015, nga fondet e DEMOS-it dhe Komunës së Lipjanit.

Kreu Komunal, është shprehur i kënaqur me bashkëpunimin e treguar nga ana e koordinatorëve të projektit DEMOS. Po ashtu ai ka thënë se Komuna e Lipjanit, për vitin 2015 do të propozojë, realizimin e një projekti në bashkëpunim me DEMOS-in.

“ Do të kërkojmë të gjejmë koston financiare për realizimin e projektit në rrugën “ Lidhja e Prizerenit” në Lipjan, si dhe gjelbërimin në hapërsia publike, rregullimin e treturave dhe shportave për hedhjen e mbeturinave ”, ka thënë mes tjerash, kryetari Ahmeti

Ndërsa koordinatori i projektit, Arton Loxha, ka thënë se DEMOS për periudhën 3 vjeçare 2015-2017, do të financoj 150.000 euro. Në vitin 2015 do të shpenzohen 44 mijë euro, ndërsa gjatë dy viteve vijuese nga 48 mijë euro.

Ndryshe, Komuna e Lipjanit, ka nënshkruar marrëveshje bashkëpunimi, dhe sipas kësaj marrëveshje, HSIK, përmes projektit DEMOS do t’i ofrojë komunës së Lipjanit, asistencë teknike dhe mbështetje financiare, njofton zyra për informim Lipjan