Këngëtarit Blerim Muharremi, Blero, sot i është larguar një bashkëpunëtore, që konsiderohej të jetë shumë e afërt me të.
Është këngëtarja Dhurata Ahmetaj, e cila përmes një postimi në Instagram, ka bërë me dije se më nuk do të jetë pjesë e kompanisë Blero Ent.
“Përshëndetje miq dhe përkrahës. Unë Dhurata Ahmetaj, deklaroj që nuk jam më pjesë e kompanisë Blero Ent. Unë kam shumë respekt për ish menaxherin tim Blerim Muharremin dhe e falënderoj për përkushtimin dhe ndihmën e tij të deritashme në karrierën time por bashkëpunimi jonë nuk do të vazhdoj më. Faleminderit”, ka shkruar Ahmetaj në Instagram.
