22 nëntor 2014- Komuna e Lipjanit, ka filluar procesin e legalizimit të objekteve të ndërtuara pa leje.
Drejtoria e Urbanizmit dhe Planifikimit Hapësinor dhe Ministria e Mjedisit dhe Planifikimit Hapësinor njoftojnë qytetarët për fillimin e procesit të legalizimit të ndërtimeve pa leje në Komunën e Lipjanit.
Në kuadër të kësaj fushate informuese mbi procesin e legalizimit të ndërtimeve pa leje, është formuar taskë forca, e cila është e gatshme t’i pranojë aplikacionet, në lidhje me legalizimin e objekteve.
Formulari i kërkesës për legalizimin e ndërtimeve pa leje mund të merret në Drejtorin për Urbanizëm dhe në Arkivin e Komunës, apo mund të shkarkohet në ueb faqen e komunës.
Afati për dorëzimin e kërkesave për legalizim të ndërtimeve pa leje është deri me 5 shkurt të vitit 2015.
