Këngëtarja me origjinë shqiptare, Rita Ora, raportohet se më 28 Nëntor të vijë në Kosovë për të festuar Ditën e Flamurit kombëtar.
Me këtë rast, ajo do të performojë disa këngë në sheshin “Nënë Tereza”, ku edhe pritet të elektrizojë atmosferën me adhuruesit e shumtë kosovarë.
Burime të ORAinfo bëjnë të ditur se ardhjen e Ritës do ta mundësojë PTK që po atë ditë do të lansojë shërbimin me të ri të saj 3G.
“PTK i ka bërë ofertë Rita Orës që të vijë në Kosovë më 28 nëntor që të performojë në një koncert në Prishtinë për këtë festë. Po këtë ditë Vala do të lansojë për të gjithë klientët e saj shërbimin më të ri të internetit në telefonat mobil 3G. Ende nuk është konfirmuar ardhja e sigurt e Orës në Kosovë, por ne shpresojmë se ajo do të pranojë ofertën tonë”, ka thënë burimi. /ORAinfo/
