14 nëntor 2014- Në Qendrën Kryesore të Mjekësisë Familjare( QKMF) në Lipjan, sot është shënuar Dita Ndërkombëtare e Diabetit, në të cilën morën pjesë qytetarë nga Komuna e Lipjanit, që janë të prekur nga kjo sëmundje.
Agim Krasniqi- drejtor në Qendrën Kryesore të Mjekësisë Familjare në Lipjan, tha se Ministria e Shëndetësisë ( MSH) ka disa ditë që nuk e furnizon QKMF-në në Lipjan me insulinë.
Në këtë rast, drejtori Krasniqi , kërkoi mobilizim nga ana e institucioneve në mënyrë që t’iu dilet në ndihmë të gjithë atyre qytetarëve që janë të prekur nga kjo sëmundje.
Krasniqi po ashtu ka folur edhe për trajtimin e sëmundjes dhe indikatorët relevantë të cilët ndikojnë në përmirësimin e saj.
