12 nëntor- Organizata zvicerane “ Helvetas” që financohet nga Qeveria e Zvicrrës, ka organizuar trajnim dyditor me këshilltarët e asamblesë komunale të Lipjanit dhe asaj të Shtimes

Vlora Limani-Hajnuni, kryesuese e kuvendit komunal- e ka vlerësuar trajnimin dyditor që e ka organizuar organizata zvicrare, mes tjerash ajo ka thënë se, këshilltarët komunalë kanë treguar interesim të madh ekipor përgjatë këtyre dy ditëve.

Ndërsa, Ramdan Kristelica- zyrtar i projektit “ Demos” , tha se qëllimi i këtij projekti është fuqizimi i rolit të vendimmarrjes të këshilltarëve komunalë, roli i grupeve parlamentare, komitetet, menaxhimi i buxhetit, dëgjimet, takimet publike etj.

Trajnimin dyditor e ka vizituar edhe znj.Bruchez Georgette – Udhëheqëse e Divizionit për Ballkanin Perëndimor në kuadër të Agjensisë Zviceriane për Zhvillim dhe Bashkëpunim (SDC), zyra për Informim në Komunën e Lipjanit /LipjaniNews/