04 nëntor 2014- Agjencioni i Shteteve të Bashkuara për Zhvillim Ndërkombëtar( USAID), nëpërmjet Agjencionit UBO Consulting (UBO), sot ka prezantuar rezultatet e hulumtimit të Indeksit të Konkurrencës së Komunave, kur në këtë rast, komunën e Lipjanit e ka radhitur në vend të dytë, në disa kategori edhe të parin.
Fatos Mexhuani – përfaqësues i programit tha se, qëllimi i këtij hulumtimi është të analizohet mjedisi biznesor, në çdo njësi themelore të vetëqeverisjes lokale. Ai po ashtu ka përmendur fushat në të cilat është bërë hulumiti, duke theksuar atë të transparencës, administratës komunale, fuqisë punëtore për mbështetje të biznesve, infrastrukturën komunale, taksat, tatimet etj.
Mexhuani po ashtu tha se, duke u mbështetur në zhvillime të këtyre segmenteve, komuna e Lipjanit është radhitur ndër komunat më të suksesshme në Kosovë.
