Mbajnë emra të lojtarëve të mëdhenj në fanellat e tyre, por janë punëtorë krahu, që për çdo ditë fitojnë bukën e gojës ndershëm dhe me djersë.

Avni Beqiri, Heroin Halitaj dhe Bujar Emini, të gjithë nga Mitrovica, thonë se me këto fanella punojnë gjithmonë që sa vite, sepse këta lojtarë i adhurojnë dhe me to po kanë punë më shumë.

“Punën me sharrë e bëj që 15 vite. Rrallë dal në treg, sepse i kam myshterinjtë e mi të cilët më thërrasin në telefon, ndërsa askush nuk më thërret me emrin tim të vërtetë, por Etto”, ka thënë Avni Beqiri.

Ndërkaq, Halitaj i cili njihet në Mitrovicë si ‘Messi’, tha se me punën që bënë, mban shtatë anëtarët e familjes së tij.

Sipas tij, punën që e bënë nuk përkon me emrin me të cilin e thërrasin, ngase shpesh njerëzit edhe qeshen, por jo asnjëherë për tallje.

“Messi, sa po m’i çkyn tetë metra dru, kur më pyet dikush, njerëzit qeshen, por edhe vetë nganjëherë”, ka thënë ai.

Këta punëtorë, thonë se nuk luajnë asnjëherë futboll për shkak se nuk kanë kohë, por të preferuarit e tyre i shikojnë çdo herë në mbrëmje kur ata luajnë. /KP/