Ministria e Arsimit Shkencës dhe Teknologjisë ka publikuar rezultatet e Testit të Arritshmërisë për klasat e nënta.
Rezultati i këtij testi doli të jetë 62.6 për qind në nivel të Kosovës.
Azem Guri, këshilltar i ministrit të Arsimit, Arsim Bajrami ka thënë se ky rezultat është i kënaqshëm.
“Qëllimi i Testit të Arritshmërisë është që të maten njohuritë dhe shkathtësitë e nxënësve dhe njëkohësisht nxënësve të klasave të nënta ky rezultat do t’ u shërbejë për regjistrim në shkollat e mesme të larta. Publikimi i konkursit i cili bëhet në Drejtoritë Komunale të Arsimit, mbi bazën e kritereve që i ka paraparë MAShT do të bëhet në të njëjtën kohë në të gjitha komunat, pra më 18 qershor. Konkursi do të jetë i hapur tri ditë”, theksoi Guri.
Në lëndën e gjuhën angleze nxënësit dolën të jenë më të mirë me 85.8 për qind. Ndërsa në lëndën e fizikës dolën të jenë më keq me 48.2 për qind.
Testi është mbajtur në gjuhën shqipe, turke dhe boshnjake
