200 euro ka paguar një qytetar për ta kryer një test me metodën PCR në laboratorin “Medical & Laboratory Services” i cili gjendet në Prishtinë e që është i vetmi laborator privat në mbarë Kosovën që aktualisht bën detektimin molekular të koronavirusit.
Ky laborator, që ndodhet në kryeqendrën e Kosovës, Prishtinë, është në pronësi të vajzës së biznesmenit Blerim Devolli. Por me vlerën e 200 eurove për një test PCR ky laborator ka bërë disa shkelje të rënda ligjore. Si pasojë, ai mund edhe të mbyllet përkohësisht deri në gjashtë muaj si mund të dënohet deri në 10% të qarkullimit vjetor.
Lidhur me këtë ngjarje ka reaguar edhe kryeministri i Kosovës, Avdullah Hoti. Ai ka thënë se Autoriteti i Konkurrencës është në krye të detyrës dhe shumë shpejt do të zbatoj ligjin.
“Situata e pandemise nuk guxon te perdoret per perfitime jashte normave te ekonomise se tregut. Autoriteti Kosovar i Konkurrences eshte ne krye te detyres dhe do te zbatoje ligjin shpejt dhe me efikasitet te plote ndaj te gjtheve pa perjashtim. Raportoni rastet”, është reagimi i Hotit në Facebook
