Pak minuta para përmbylljes së afatit ligjor për dorëzimin e listave për pjesëmarrje në zgjedhjet e 6 tetorit, koalicioni Nisma-AKR-PD, ka dorëzuar listat në KQZ.
Çerkin Dugolli nga Nisma, ka theksuar se lista që ofron ky koalicion, garantin të ardhmen e vendit.
“Ne konsiderojmë që lista jonë përmban njerëz me kredenciale të larta, të niveleve akademike, njerëz të dëshmuar. Dhe po besoj se kjo listë që po ia ofrojmë qytetarëve, në krye me kandidatin për kryeministër z. Fatmir Limaj, është listë që garanton të ardhmen e vendit”, tha Dugolli.
Ai nuk bëri të ditur asnjë emër të listës së kandidatëve, duke pohuar se përfshin emra të njohur, ndërsa kjo listë nuk përmban asnjë emër që ka probleme me ligjin, raporton KosovaPress.
