Gjykata Kushtetuese po kthehet në organin kryesor për formimin e institucioneve të reja të Kosovës. Tashmë, të gjitha subjektet garojnë se cila do të mund të nxjerr një lëndë para kësaj gjykate.
E para, filloi presidentja Atifete Jahjaga me kërkesën për sqarime në lidhje me çështjen e mandatarit, u pasua nga PDK-ja me lëndën për procedurat e zgjedhjes së kryetarit të Kuvendit, kurse tash edhe blloku LDK, AAK dhe Nisma se paralajmëron se mund ta dërgoj presidenten në Kushtetuese.
Pakënaqësitë e bllokut me presidenten Jahjaga kanë të bëjnë me vendimin e presidentes që të mos e nominoj mandatarin për formimin e qeveris para se Kushtetuesja të dal me opinionin rreth zgjedhjes së kryetarit të Kuvendit.
“Ka mundësi që ne ta pyesim Gjykatën Kushtetuese a ka vepruar drejtë Presidentja që nuk e ka ushtruar të drejtën e vetë për ta nominuar mandatarin, pasi që ka ndodhë seanca”, ka thënë të martën, Ramush Haradinaj. Këto komente, ai i ka bërë pas një takimi që tri partitë e bllokut zhvilluan në kuadër të konsultimeve për krijimin e koalicionit qeverisës. /Tribuna/