Deklaratat e ashpra që vinin nga Beogradi rreth nismës së Qeverisë së Kosovës për krijimin e Ushtrisë, kishin krijuar dyshime se situata në veri mund të tensionohej. Megjithatë një ditë pas krijimit të Ushtrisë së Kosovës, situata në veri të qytetit të Mitrovicës është e qetë.
Siç raporton agjencia e lajmeve ‘tanjug’, në Urën e Ibrit vazhdojnë të qëndrojnë forcat e KFOR-it, të cilat janë më pakë në numër se ditën e 14 dhjetorit, raporton Gazeta Express.
Në hyrje të urës së Ibrit dhe në disa pjesë të qytetit janë duke qëndruar KFOR-i austriak, ndërsa pranë Urës janë stacionuar tri makina të blinduara.
Gjithashtu aty janë edhe disa pjesëtarë të Policisë së Kosovës.
Disa makina të KFOR-it janë edhe në hyrjën e Urës nga pjesa veriore e qytetit të Mitrovicës.
Pjesa jugore e qytetit të Mitrovicës vazhdon të jetë e dekoruara me flamuj amerikan, ndërsa në pjesën veriore të qytetit nëpër ndërtesa vazhdojnë të qëndrojnë flamujt e Serbisë./GazetaExpress/
