Në Gjykatën e Apelit filluan punën dhjetë gjyqtarë të rinj

Nga e hëna Gjykata e Apelit do të ketë dhjetë gjyqtarë më shumë. Halide Reka, Drita Rexhaj, Hunaida Pasuli, Milena Djeriç, Bujar Muzaqi, Mehmet Ndrecaj, Arsim Hamzaj, Faton Ademi, Liridon Maloku dhe Enes Mehmeti, janë emrat që do t’i bashkëngjiten, gjykatës së shkallës së dytë. Më ta numri i përgjithshëm i gjyqtarëve në këtë institucion arrin në 51.
Në ditën e parë të punës, gjyqtarëve të rinj, mirëseardhje ju ka uruar kryetari i Gjykatës së Apelit z. Hasan Shala, shkruan Gjykata e Apelit e Kosoves

Kryetari Shala, u shpreh optimist se më angazhimin e tyre, numri i lëndëve të pa zgjidhura, të trashëguara ndër vite, do të bije, dhe si rrjedhojë procedurat do të shkurtohen.
9 nga 10 gjyqtarët në fjalë, do të punojnë në divizionin civil të Departamentit të Përgjithshëm, Ndërsa njëri nga ta, në Departamentin Ekonomik.