Nëse quheni Elizabeth Gallagher, ju pret një udhëtim trejavor mbresëlënës nga Toronto në Paris, nga Bangkoku në Nju Delhi, njoftoi 27-vjeçari kanadez, Jordan Axani.

Ai u nda nga e dashura e tij përmes internetit, menjëherë pasi kishte blerë biletën për udhëtimin e jetës. Që këto bileta të mos shkojnë huq, ai fton çdo femër të interesuar t’i lajmërohet, transmeton Telegrafi.

Natyrisht, ju duhet të quheni Elizabeth Gallagher, ndërsa Axani pohon se kështu dëshiron që investimet të mos i shkojnë kot.

“Në muajin mars kam rezervuar një udhëtim anembanë botës. Marrëdhënia jonë ka marrë fund, por unë ende dua që të udhëtoj. Ajo natyrisht jo. Për shkak të kësaj, jam duke kërkuar në Kanada një femër e cila duhet të quhet Gallagher Elizabeth dhe e cila mund të shfrytëzojë aranzhmanin”, thotë Jordan, i cili pohon se nuk ka synime romantike, por thjesht kërkon shoqëruese me të cilën do të shoh “disa gjëra interesante”.

Të gjithë të interesuarat me emrin Elizabeth Gallagher, mund të aplikojnë tek Axani përmes e-mailit: [email protected]. /Telegrafi/