Sekretari i Tregtisë i SHBA-së, Wilbur Ross, ka thënë se sulmet ajrore të Presidentit Donald Trump ndaj Sirisë shërbyen si argëtim pas darke në resortin e tij luksoz në Florida.
“Tamam kur po shërbehej torta, presidenti [Trump] ia shpjegoi [Presidentit kinez Xi Jinping] se dëshironte t’i tregonte diçka, e që ishte shkrepja e 59 raketave ndaj Sirisë,” ka thënë Ross, duke përshkruar momentin e takimit të prillit mes dy liderëve që ishte ndërprerë nga sulmet ushtarake ndaj Sirisë, transmeton Express.
“Ishte argëtim pasdarke,” ka shtuar ai, sipas Variety.
Ai shtoi: “Fakti është se Presidentit nuk i ka kushtuar asgjë për ta pasur këtë argëtim.”
Trump autorizoi bombardimin e bazës ajrore të Sirisë që dyshohej se ishte burim i sulmit shkatërrues kimik që vrau më shumë se 80 civilë më 6 prill./Express/
