Zëvendës-guvernatori i Guam, territorit amerikan në paqësor, e ka siguruar sot Japoninë se ishulli është i qetë përkundër tensioneve të rritura mes SHBA-së dhe Kresë Veriore, si dhe kërcënimeve të kësaj të fundit për ta sulmuar Guamin.
Zëvendës-guvernatori, Ray Tenorio, ka thënë në një konferencë për media se Guam mbetet në gjendje normale, transmeton Express.
Japonia është një burim i madh i turistëve për ishullin e paqësorit, me një marrëdhënie të turizmit që ka zgjatur për më shumë se 50 vjet.
Tenorio ka theksuar se Shtëpia e Bardhë i ka thënë guvernatorit të Guam, Eddie Calvo se SHBA-ja është duke e vështruar nga afër Korenë Veriore dhe se banorët e Guam nuk kanë pse të brengosen. /Express/
