Në Stamboll është zhvilluar ceremonia e varrimit të 30 nëpunës policorë dhe pjesëtarë të sigurisë të cilët humbën jetën në sulmin e mbrëmshëm terrorist, transmeton Telegrafi.

Në ceremoninë e varrimit ka marrë pjesë edhe Presidenti i Turqisë, Recep Tayyip Erdogan.

Në dy shpërthime mbrëmjen e së shtunës në Stamboll, kanë mbetur të vrarë 38 persona dhe 166 të tjerë janë plagosur.

Zyrtarët shtetëror të Turqisë thonë se provat e para të mbledhura pas atentatit të dyfishtë që goditi zemrën e Stambollit të shtunën në mbrëmje, lënë të mendohet se autorët janë separatistët kurdë të Partisë së Punëtorëve të Kurdistanit (PKK).

Në nderim të viktimave të sulmit terrorist Turqia ka shpallur të dielën Ditë zie kombëtare.

Si pasojë e shpërthimeve në 24 orët e fundit, në Turqi, Egjipt dhe Nigeri, kanë vdekur 275 persona. /Telegrafi/