Zelensky: Ukraina do t’i rrisë eksportet e rrymës në BE derisa Rusia shkurton furnizimet me gaz

Presidenti ukrainas, Volodymyr Zelensky, tha se vendi i tij do të rrisë eksportin e energjisë elektrike në Bashkimin Evropian dhe do të synojë të bëhet një nga garantuesit e sigurisë energjetike evropiane, derisa Rusia shkurton furnizimet me gaz në bllok.

“Ne po përgatitemi të rrisim eksportet tona të energjisë elektrike për konsumatorët në Bashkimin Evropian”, tha Zelensky më 27 korrik në fjalimin e tij të mbrëmjes drejtuar kombit.

Eksportet jo vetëm që do t’i lejojnë Ukrainës që të rrisë të ardhurat e saj, por gjithashtu do t’i ndihmojnë partnerët e saj që t’i rezistojnë presionit rus të energjisë, tha ai.

Rrjeti elektrik i Ukrainës është lidhur me rrjetin evropian në mes të marsit – gjë që ka mundësuar vazhdimin e furnizimeve, pavarësisht pushtimit rus.

Ukraina filloi eksportin e energjisë elektrike në BE nëpërmes Rumanisë në fillim të korrikut.

Rregullatori i Energjisë i Gjermanisë tha më herët se gjigandi shtetëror rus i energjisë, Gazprom, shkurtoi dërgesat e gazit në Evropë përmes tubacionit Rrjedha Veriore 1, në rreth 20 për qind të kapacitetit siç pritej më 27 korrik.

Tubacioni Rrjedha e Veriut 1 është 1.200 kilometra i gjatë dhe shtrihet nën Detin Baltik, nga bregdeti rus pranë Shën Petersburgut deri në Gjermaninë verilindore./REL/

Zelensky: Ukraina do t’i rrisë eksportet e rrymës në BE derisa Rusia shkurton furnizimet me gaz

LAJME TË TJERA

Policia konfiskoi mbi 2 mijë patentë shofer për tre muaj: Mbi 5 mijë shoferëve u janë vendosur pikët negative

Ambasada amerikane publikon numrat për raportimin e dhunës me bazë gjinore

SHIKO MË SHUMË

Zbulohet se sa do të jetë “kostoja ditore” nga shembja e urës në Baltimore

Bursa e Turqisë goditet nga një tërmet 5.1 ballë, u ndje edhe në Stamboll

Reshjet e mëdha të borës pengojnë udhëtimet në Gjermani, Zvicër dhe Austri, qindra fluturime janë shtyrë ose anuluar

Rruga: "Haradin Bajrami" - Lipjan / 14000 Lipjan

LipjaniNews Medie SHPK i emërtuar LipjaniNews, është krijuar ekskluzivisht për ta informuar shpejt, drejtë, saktë dhe objektivisht lexuesin, kudo që ndodhet. Materialet dhe informacionet e natyrave të ndryshme nuk mund të shtypen apo kopjohen për qëllime përfitimi.

Aktivitet në ARBK

Statusi në ARBK: Regjistruar

© LIPJANINEWS:COM [email protected] /// +383 44 444 634