Presidenti i Ukrainës, Volodymyr Zelensky, ka thënë se rreth gjashtë mijë trupa ushtarake të Rusisë janë vrarë në gjashtë ditët e para të luftës atje.

Në një adresim të tij ai ka thënë se Moska e ka të pamundur që ta marrë kontrollin e Ukrainës me bomba e sulme ajrore, raporton AlJazeera, transmeton KlanKosova.tv.

Më tej ai ka treguar se të martën është goditur kompleksi memorial i Holokaustit “që dëshmon se shumë rusë nuk dinë për Kievin tonë, për ta është absolutisht i jashtëm”.

“Ata nuk dinë një gjë për Kievin, për historinë tonë. Por ata kanë urdhra për ta fshirë historinë tonë, për ta fshirë vendin tonë, për të na fshirë të gjithëve”, është shprehur Zelensky.