Presidenti ukrainas Volodymyr Zelensky, ka thënë se komuniteti ndërkombëtar do të jetë përgjegjës për “katastrofën masive humanitare”, nëse nuk pajtohet për një zonë ndalim-fluturimi, duke paralajmëruar se vendi i tij është në nivelin më të lartë të kërcënimit rus.

“Rusia po përdor raketa, aeroplanë e helikopterë kundër nesh, kundër civilëve, qyteteve tona dhe infrastrukturës. Është një obligim humanitar për botën të reagojë”, tha Zelensky në një fjalim që u transmetuar në televizion, transmeton Telegrafi.

Ai gjithashtu ka theksuar se gjatë këtyre dy javëve, ukrainasit kanë rezistuar fuqishëm duke treguar se nuk do të dorëzohen për asnjë moment.

Ndryshe Zelensky ka falënderuar presidentin amerikan Joe Biden për ndalimin e importimit të naftës, gazit dhe qymyrit rus në Shtetet e Bashkuara.

Presidenti ukrainas është i bindur se me këtë veprim, Joe Biden e ka goditur në zemër makinerinë luftarake të Vladimir Putinit. /Telegrafi/